విజయవాడలో జిగేల్ రాజా.. జిగేల్ రాణి, 55 మంది అరెస్ట్!

విజయవాడ పోలీసులు జిగేల్ రాజా, జిగేల్ రాణిలకు షాకిచ్చారు. ఓ హోటల్‌లో అసభ్య నృత్యాలు చేస్తున్న 55 మందిని అరెస్టు చేశారు. హైదరాబాద్‌కు చెందిన కొందరు వ్యక్తులు.. యాంకర్లను, యువతులను తీసుకొచ్చి భవానీపురంలోని ఆలీవ్ ట్రీ హోటల్‌లో అసభ్య నృత్యాలు చేయిస్తున్నట్లు పోలీసులకు సమాచారం అందింది.

దీంతో పోలీసులు వెంటనే ఆ హోటల్‌పై దాడి చేసి ఐదుగురు మహిళలు, 50 మంది పురుషులను అరెస్టు చేశారు. అయితే, ఐదుగురు యాంకర్లను తప్పించినట్లు తెలిసింది. పార్టీ జరిగిన ప్రాంతంలో మద్యం, కండోమ్ ప్యాకెట్లు లభ్యమయ్యాయి. పట్టుబడిన ఐదుగురు మహిళలను వాసవ్య మహిళా మండలికి అప్పగించారు. వీరంతా విజయవాడ, హైదరాబాద్, భీమవరం నుంచి ఇక్కడికి వచ్చినట్లు తెలిసింది.