మంత్రి దత్తత గ్రామంలో రోడ్డుపైనే వరినాట్లు

తెలంగాణ రాష్ట్రమంత్రి జగదీష్ రెడ్డి దత్తత గ్రామ ప్రజలు వినూత్న రీతిలో నిరసన తెలిపారు. సూర్యాపేట జిల్లా పిల్లలమర్రిలో సీసీరోడ్లు లేకపోవడంతో స్థానికులు బురదగా ఉన్న రోడ్డుపై నాట్లు వేసి నిరసన తెలిపారు. అటు యాదాద్రి భువనగిరి జిల్లా అడ్డగూడూరు మండలం కోటమర్తిలో కూడా రహదారులు బురదమయం కావడంతో రోడ్లపైనే వరినాట్లు వేసి ఆందోళన వ్యక్తం చేశారు.

ఇటీవల కురిసిన వర్షాలకు ఈ గ్రామాల్లో రహదారులు బురదమయమై.. గుంటలను తలపిస్తున్నాయి. స్థానికుల రాకపోకలకు ఇబ్బందులు ఎదుర్కొంటున్నారు. ఇప్పటికైనా ప్రభుత్వం స్పందించి రహదారులను పక్కాగా నిర్మించాలని స్థానికులు కోరుతున్నారు.