హన్మకొండలో పాస్‌పోర్ట్ కేంద్రం ప్రారంభం

వరంగల్ జిల్లా హన్మకొండలో పాస్‌పోర్ట్ సేవా కేంద్రం ప్రారంభమైంది. ఈ కేంద్రాన్ని బుధవారం తెలంగాణ డిప్యూటీ సీఎం కడియం శ్రీహరి లాంఛనంగా ప్రారంభించారు. పాస్ పోర్ట్ సేవా కేంద్రాన్ని వరంగల్ వాసులతో పాటు సమీప ప్రాంతాల ప్రజలు సద్వినియోగం చేసుకోవాలని కడియం సూచించారు. ఏడాదిలోగా పాస్ట్ పోర్ట్ కార్యాలయ పర్మినెంట్ భవనాన్ని నిర్మిస్తామని ఆయన తెలిపారు.

వరంగల్ ను ఎడ్యుకేషన్ హబ్ గా తీర్చిదిద్దేందుకు ప్రభుత్వం చర్యలు చేపట్టిందని ఆయన పేర్కొన్నారు. ఈ కార్యక్రమంలో కడియంతో పాటు ఎంపీ పసునూరి దయాకర్, ఎమ్మెల్యే వినయ్ భాస్కర్ తదితరులు పాల్గొన్నారు.