వినోద్ కుటుంబానికి పవన్ పరామర్శ

పవన్ కళ్యాణ్ అభిమాని వినోద్ రాయల్ వేరే హీరో ఫ్యాన్స్ చేతిలో దారుణ హత్యకు గురైన సంగతి తెలిసిందే. రెండు నెలల్లో యూఎస్ వెళ్లాల్సిన వినోద్ ఇలా హత్యకు గురవ్వడం చాలా మందిని కలచివేసింది. చెట్టంత కొడుకుని కోల్పోయిన తల్లిదండ్రులు కన్నీరుమున్నీరుగా విలపిస్తున్నారు. విషయం తెలుసుకున్న పవన్ కళ్యాణ్ వినోద్ ఇంటికి వెళ్లేందుకు నిర్ణయించుకున్నారు. ఈ నేపథ్యంలో పవన్ వినోద్ ఇంటికి వచ్చారు. ఆయన వస్తున్నారని తెలిసి జనసేన కార్యకర్తలు, పవన్ అభిమానులు భారీగా వినోద్ ఇంటి చుట్టుపక్కలకు చేరుకున్నారు. పోలీసులు కూడా మోహరించారు. ఎలాంటి అవాంఛనీయ సంఘటనలు జరగకుండా చూస్తున్నట్టు పోలీసులు తెలిపారు. పవన్ కారు దిగి నేరుగా వినోద్ తల్లి వద్దకు వెళ్లి కూర్చున్నారు. ఆమె బాధను ఓపికగా వింటున్నారు.