యాప్నగరం

చిరంజీవి జనసేన పార్టీలోకి రారు : పవన్

మెగాస్టార్ చిరంజీవి తమ్ముడు పవర్ స్టార్ పవన్ కల్యాణ్ పెట్టిన జనసేన పార్టీలో చేరతారా అనే సందేహాలు చాలామందిని వేధిస్తోన్న..

Samayam Telugu 14 Mar 2017, 5:41 pm
మెగాస్టార్ చిరంజీవి తమ్ముడు పవర్ స్టార్ పవన్ కల్యాణ్ పెట్టిన జనసేన పార్టీలో చేరతారా అనే సందేహాలు చాలామందిని వేధిస్తోన్న సంగతి తెలిసిందే. ముఖ్యంగా జనసేన పార్టీని, పవన్ కల్యాణ్‌ని అభిమానించే వారిని కలుగుతున్న సందేహాలివి. అంతేకాకుండా చిరంజీవి ప్రజారాజ్యం పార్టీ స్థాపించినప్పుడు ఆ పార్టీలో చేరి నష్టపోయామని భావిస్తూ, మళ్లీ ఇప్పుడు జనసేన పార్టీలో చేరితే భవిష్యత్ ఎలా వుంటుందా అని ఆలోచనలో పడిన వారికి కూడా ఇదే సందేహం వెంటాడుతోంది.
Samayam Telugu pawan kalyan comments on chiranjeevi etry in to janasena party
చిరంజీవి జనసేన పార్టీలోకి రారు : పవన్


అయితే, జనసేన పార్టీ ఏర్పాటు చేసి మూడేళ్లు పూర్తయిన సందర్భంగా ఇవాళ సాయంత్రం హైదరాబాద్‌లో పార్టీ కార్యాలయంలో ఏర్పాటు చేసిన మీడియా సమావేశంలో ఇటువంటి సందేహాలతో సతమతమవుతున్న వాళ్లందరికీ పవన్ కల్యాణ్ సమాధానం ఇచ్చారు. అన్నయ్య చిరంజీవి జనసేన పార్టీలో చేరబోరని స్పష్టంచేసిన పవన్... 'తమ ఇద్దరి అభిప్రాయాలు, ఆలోచనలు కలవవు' అని పేర్కొన్నారు.

అధికారపక్షంపై పోరాటం చేయకుండా పవన్ సున్నిత వైఖరి అవలంభిస్తున్నారు అనే విమర్శలపైనా ఆయన బదులిచ్చారు. సరైన తీరులో విమర్శించడమే తన వైఖరి తప్ప ప్రతీ అంశంపై విమర్శిస్తూ పోయే నైజం తనది కాదన్నారు పవన్. 'ప్రజా సమస్యలపై పరిష్కారం కోసం 32 అంశాలపై దృష్టి సారిస్తున్నాం. టీడీపీకి అనుభవం వుందని ఇప్పటికీ భావిస్తున్నాను కానీ ఆ పార్టీ తీసుకొస్తున్న అభివృద్ధి పథకాలే ప్రజలకి చేరడం లేదనేది నా అభిప్రాయం. అలాగే ప్రస్తుతానికి జనసేన కూడా ఎన్డీయేలో లేదు' అని తెలిపారు పవన్.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.