ఆర్బీఐ గవర్నర్‌పై పవన్ ఘాటు ట్వీట్లు

కేంద్ర ప్రభుత్వం తీసుకున్న నోట్ల రద్దు నిర్ణయంపై జనసేన పార్టీ అధినేత పవన్ కల్యాణ్ స్పందించారు. ఆర్బీఐ గవర్నర్, కేంద్ర ప్రభుత్వం తీసుకున్న డీమానిటైజేషన్ నిర్ణయాన్ని ఎండగడుతూ వరుస ట్వీట్లు చేసారు.

‘మిస్టర్ ఉర్జిత్ పటేల్, డీమానిటైజేషన్ అనే మీ గొప్ప ఆలోచన వల్ల లెక్కలేనంత మంది బాధితులుగా మారారు. కర్నూలు జిల్లాకు చెందిన బాలరాజు సహా చాలా మంది ప్రాణాలు కోల్పోయారు’ అని తన తొలి ట్వీట్‌లో పేర్కొన్నారు.
pic.twitter.com/VHHi5eENYn — Pawan Kalyan (@PawanKalyan) December 20, 2016
‘మిస్టర్ ఉర్జిత్ పటేల్, స్వతంత్ర్యం వచ్చి 69 ఏళ్లయినా ఇప్పటికీ దేశంలో మలం చేతులతోనే శుభ్రం చేస్తున్నారు. చేతులతో మలాన్ని శుభ్రంచేసే పద్ధతిని భారత ప్రభుత్వం రూపుమాపలేకపోయింది. అలాంటిది ఇప్పుడు నగదు రహిత ఆర్థిక వ్యవస్థ ఎలా పనిచేస్తుందని మీరు నమ్మారు? అని ఉర్జిత్ పటేల్‌ను రెండో ట్వీట్‌లో పవన్ ప్రశ్నించారు.
pic.twitter.com/Cqb4pGziTM — Pawan Kalyan (@PawanKalyan) December 20, 2016
‘మిస్టర్ ఉర్జిత్ పటేల్, డీమానిటైజేషన్ అనే మీ గొప్ప నిర్ణయం వల్ల కొన్ని కోట్ల మంది భారతీయుల జీవితాలు చిన్నాభిన్నం అయ్యాయి. ఆదివాసీలు, రైతులు, రోజువారీ కూలీలు, గృహిణులు, ఉద్యోగులు, వృద్ధులు, పండ్ల వ్యాపారులు ఇలా ఎంతో మంది నష్టపోయారు’ అని మూడో ట్వీట్‌లో పేర్కొన్నారు.
pic.twitter.com/w6EeHmWwxe — Pawan Kalyan (@PawanKalyan) December 20, 2016
‘కిలోమీటర్ల కొలది ఉన్న లైన్లలో నిలుచొని అమాయక ప్రజలు ప్రాణాలు కోల్పోతుంటే, దొంగలు మాత్రం దర్జాగా ఇళ్లలో కూర్చుంటున్నారు’ అని నాలుగో ట్వీట్‌లో ఘాటుగా స్పందించారు పవన్.
pic.twitter.com/3oj20y6zVB — Pawan Kalyan (@PawanKalyan) December 20, 2016
‘మిస్టర్ ఉర్జిత్ పటేల్, మీ బ్యాంకుల్లో 86 శాతం డబ్బు డిపాజిట్ అయిందని సంబంర చేసుకుంటున్నారు. నల్ల ధనం బయటికొచ్చిందని గర్వంగా చెప్పుకుంటున్నారు. నిజానికి మీరు కొత్త పద్ధతిలో నల్లధనాన్ని తెల్ల ధనంగా మార్చారు. ఇప్పుడు మీ బ్యాంక్ ఉద్యోగులు కూడా నల్లబాబుల జాబితాలో చేరిపోయారు’ అని ఐదో ట్వీట్‌లో ఎండగట్టారు.
pic.twitter.com/xkh5dEPHph — Pawan Kalyan (@PawanKalyan) December 20, 2016