హిజ్రాలకూ జీవన భృతి కల్పించండి: సురేఖ

హిజ్రాల జీవనభృతి కల్పించేలా ప్రభుత్వం నిర్ణయం తీసుకోవాలని టిఆర్ఎస్ ఎమ్మెల్యే కొండా సురేఖ ప్రభుత్వాన్ని కోరారు. బుధవారం అసెంబ్లీలో జరిగిన ప్రశ్నోత్తరాల సమయంలో ఆమె మాట్లాడారు.

తెలంగాణ ఉద్యమంలో హిజ్రాలు కీలక పాత్ర పోషించారని, సమాజంలో నిరాధారణకు గురైన వర్గాల్లో హిజ్రాలు ఒకరని ఆమె గుర్తు చేశారు. ఇటీవలే ప్రభుత్వం ఒంటరి మహిళలకు నెలకు రూ.వెయ్యి కేటాయించిన ప్రభుత్వం..హిజ్రాలకు కూడా జీవన భృతి కేటాయించాలని ఆమె కోరారు.

ప్రభుత్వం కేటాయించిన స్వయం ఉపాధి బడ్జెట్ కేటాయింపులు రూ.550కోట్లలో కొంత హిజ్రా జీవనభృతికి కేటాయించాలని ఆమె సూచించారు.

కొండా సురేఖ విన్నపంపై స్పందించిన ఆర్థికశాఖ మంత్రి ఈటల రాజేందర్ మాట్లాడుతూ..హిజ్రాలకు జీవనభృతి కల్పించాలన్న డిమాండ్ లో న్యాయం ఉందని, ఈ అంశాన్ని పరిశీలిస్తామని ఆయన అసెంబ్లీలో ప్రకటించారు.