ప్రముఖ కాలమిస్ట్ పెంటపాటి పుల్లారావు బుధవారం పవన్ కళ్యాణ్ సమక్షంలో జనసేన పార్టీలో చేరారు. జనసేన ప్రధాన కార్యాలయంలో పవన్ కల్యాణ్ను కలిసిన ఆయన... పార్టీలో చేరారు. జనసేన కండువా కప్పిన పవన్.. పుల్లారావును పార్టీలోకి ఆహ్వానించారు. పోలవరం నిర్వాసితుల కోసం పుల్లారావు ఎంతో పోరాటం చేశారని.. ముఖ్యంగా గిరిజనులకు అండగా నిలబడిన వ్యక్తి ఆయనని పుల్లారావుపై పవన్ ప్రశంసలు గుప్పించారు. పార్టీలో చేరగానే పుల్లారావును జనసేన పార్టీ పొలిటికల్ అఫైర్స్ కమిటీ సభ్యులుగా పవన్ నియమించారు. పుల్లారావు అనుభవం, సూచనలు జనసేన పార్టీకి ఎంతో ఉపయోగకరమని పవన్ తెలిపారు. ఈ సందర్భంగా పుల్లారావు మాట్లాడుతూ.. ప్రజాశ్రేయస్సు కాంక్షించే పవన్ కళ్యాణ్ బాటలో తాను నడుస్తానని తెలిపారు. మార్పు కోసం జనసేనాని చేస్తున్న ప్రయత్నానికి అందరూ కలిసిరావాలని ఆయన పిలుపునిచ్చారు.
ఆర్థిక వేత్త, రాజకీయ విశ్లేషకుడైన పుల్లారావును పవన్ ఇటీవలే పార్టీలోకి ఆహ్వానించారు. ఆయనతో భేటీ అయ్యాక చాలా సేపు వివిధ అంశాల గురించి పవన్ చర్చించారు. పుల్లారావుకు పార్టీలోకి ఆహ్వానం పలికేందుకు ఎదురు చూస్తున్నాని జనసేనాని గతంలో ట్వీట్ చేశారు.
ఆర్థిక వేత్త, రాజకీయ విశ్లేషకుడైన పుల్లారావును పవన్ ఇటీవలే పార్టీలోకి ఆహ్వానించారు. ఆయనతో భేటీ అయ్యాక చాలా సేపు వివిధ అంశాల గురించి పవన్ చర్చించారు. పుల్లారావుకు పార్టీలోకి ఆహ్వానం పలికేందుకు ఎదురు చూస్తున్నాని జనసేనాని గతంలో ట్వీట్ చేశారు.