ఓలా, ఉబర్ క్యాబులకు వ్యతిరేకంగా ధర్నా

OLA, UBER క్యాబులకు వ్యతిరేకంగా ఇతర క్యాబ్ ల డ్రైవర్లు హైదరాబాద్ లో ధర్నాకు దిగారు. ఈ సందర్భంగా అసెంబ్లీ ఎదురుగా ఉన్న గన్‌ పార్క్‌ వద్ద ఉద్రిక్తత చోటు చేసుకుంది. క్యాబ్‌ డ్రైవర్ల సమస్యల పరిష్కారం కోసం బుధవారం నుంచి ఆమరణ నిరాహార దీక్ష చేపట్టనున్నట్లు తెలంగాణ క్యాబ్‌ డ్రైవర్స్‌ అండ్‌ ఓనర్స్‌ అసోసియేషన్‌ నేతలు ప్రకటించారు. ఉదయం 9 గంటలకు గన్‌పార్కు అమరవీరుల స్తూపం వద్ద నివాళులర్పించేందుకు క్యాబ్‌ డ్రైవర్లు రాగా పోలీసులు వారిని అడ్డుకున్నారు. దీంతో అక్కడ ఉద్రిక్తత చోటుచేసుకుంది.

ఉబెర్, ఓలా సంస్థలు తమపై సాగిస్తున్న దోపిడీకి వ్యతిరేకంగా, వేధింపులు, భౌతిక దాడులను నిరసిస్తూ ఆందోళన కొనసాగిస్తున్నామని, దానిని అడ్డుకోవడం సరికాదని అసోసియేషన్‌ అధ్యక్షుడు శివ ఉల్‌ కొందూల్కర్‌ తెలిపారు

ఓలా, ఉబర్ క్యాబుల రాకతో నగరంలో నడుస్తున్న లక్ష ఆటో రిక్షాల డ్రైవర్లు ఉపాధి కోల్పోతున్నారని సంఘం నేతలు ఆరోపించారు.

హైదరాబాద్ దాదాపు 35వేల ప్రైవేటు క్యాబులు తిరుగుతున్నట్లు అంచనా.