సంధ్యారాణి ఆఖరి మాటల సంచలన వీడియో..

ప్రేమోన్మాది కార్తీక్ చేతిలో హతమైన సంధ్యారాణి మీడియాతో చివరిసారి మాట్లాడిన వీడియో సోషల్ మీడియాలో వైరల్‌గా మారింది. 80 శాతం కాలిన గాయాలతో మృత్యువుతో తుది శ్వాస వరకూ పోరాడి ఓడిపోయిన సంధ్యారాణి చివరిగాచికిత్సకు వెళ్లేముందు అంబులెన్స్‌లో తనపై జరిగిన దారుణ ఘటనను వివరించింది.

కార్తీక్ ఒక్కడే బైక్‌పై వచ్చిపెట్రోలు పోసి నిప్పంటించాడని, అతనికి ఒక చెల్లెలు ఉందని ఆమె పేరు నదియా అని.. ఆమె తనతో కలిసి తార్నాక బిగ్ బజార్‌లో పనిచేస్తుంటుందంటూ మీడియాతో చివరిసారిగా అభాగ్యురాలి పలికిన మాటలు కంటతడి పెట్టిస్తున్నవి.


వివరాల్లోకెళ్తే.. సికింద్రాబాద్ లాలాపేటలో సంధ్యారాణి అనే యువతిపై కార్తీక్ అనే యువకుడు గురువారం రాత్రి పెట్రోల్ పోసి నిప్పంటించాడు. దీంతో 80 శాతం కాలిన గాయాలతో గాంధీ ఆసుపత్రిలో చికిత్స పొందుతూ ఆ యువతి శుక్రవారం ఉదయం మృతి చెందింది. పోస్టుమార్టం అనంతరం మృతదేహాన్ని లాలాగూడలోని ఆమె నివాసానికి తరలించారు. కాగా ఈఘటనపై స్థానికులు తీవ్ర ఆగ్రహం వ్యక్తం చేస్తున్నారు. కార్తీక్‌ను కఠినంగా శిక్షించాలని, అతణ్ణి ఉరి తీయాలని డిమాండ్ చేస్తున్నారు.