ఈ మూడు రోజులు ఇక వానలే

బంగాళాఖాతంలో ఏర్పడిన వాయుగుండం కారణంగా రుతుపవనాలు వేగంగా కదులుతున్నాయి. ఫలితంగా రానున్న రెండు, మూడు రోజుల్లో దక్షిణ కోస్తా, రాయలసీమ, తెలంగాణ ప్రాంతాల్లో భారీగా వర్షాలు కురిసే అవకాశం వుందని వాతావరణ శాఖ పేర్కొంది. రుతుపవనాలు వేగంగా కదులుతుండటంతో అత్యల్ప వ్యవధిలోనే దక్షిణ కోస్తా, రాయలసీమ, తెలంగాణ ప్రాంతాలకి రుతుపవనాలు వ్యాపించాయి. ఈ రుతు పవనాలు ఉత్తర కోస్తాలోని నర్సాపూర్‌ వరకు వ్యాపించి వున్నాయని వాతావరణశాఖ తాజాగా విడుదల చేసిన ఓ ప్రకటనలో పేర్కొంది.

రుతుపవనాల రాకతో ఉష్ణోగ్రతలు ఒక్కసారిగా పడిపోయాయి. పలుచోట్ల గత రెండుమూడు రోజులుగా వరుసగా వర్షాలు కురుస్తున్నాయి. వేసవి తాపానికి విలవిల్లాడిన జనం, రైతులు ఈ వర్షాల రాకని ఆస్వాదిస్తున్నారు.