తెలంగాణలో 12 ప్రాంతీయ విమానాశ్రయాలు

తెలంగాణలో రాష్ట్రంలో 12 ప్రాంతీయ విమానాశ్రయాల ఏర్పాటుకానున్నాయి. కేంద్ర ప్రభుత్వ ప్రాంతీయ విమానయాన అనుసంధాన స్కీమ్ లొ పార్ట్ నర్ గా చేరిన తెలంగాణ ప్రభుత్వం బుధవారం కేంద్రంతో ఈ మేరకు అవగాహన ఒప్పందం కుదుర్చుకుంది. ఈ పథకంలో భాగంగా మూతపడిన విమానాశ్రయాలను పునరుద్ధరించడం, చిన్నచిన్న విమానాశ్రయాలను ఏర్పాటు చేస్తారు. దీంతో నగరాలు, పట్టణాలకు వైమానిక సౌకర్యం కలుగుతుంది. టికెట్ల ధరలు కూడా తగ్గనున్నాయి.

తెలంగాణలో ప్రస్తుతం ఒక్క అంతర్జాతీయ విమానాశ్రయమే (రాజీవ్ గాంధీ అంతర్జాతీయ విమానాశ్రం-శంషాబాద్) అందుబాటులో ఉంది. బేగంపేటలో ఉన్న ఎయిర్ పోర్టును ప్రముఖుల రాకపోకలను వినియోగిస్తున్నారు. హకీంపేటలో ఉన్న విమానాశ్రయాన్ని సైనిక అవసరాలకు వినియోగిస్తున్నారు.

ఇప్పటివరకు విమానయాన సౌకర్యం లేని నగరాలు, పట్టణాలలో ప్రాంతీయ విమానాశ్రయాలను ఏర్పాటు చేసి, అక్కడికి చిన్న విమానాలను నడిపేందుకు రాష్ట్రాలకు సహకరించాలని నిర్ణయించింది. ప్రాంతీయ విమానాశ్రయాలకు దాదాపు 150 ఎకరాల స్థలం కోసం ప్రభుత్వ స్థల సేకరణపై దృష్టి సారించింది.

ప్రాంతీయ విమానాల ద్వారా అందే సేవలు
-దూరం, ప్రయాణ కాలం ఆధారంగా ధరలుంటాయి. ఇవి సాధ్యమైనంత వరకు తక్కువగా నిర్ణయించేలా ప్రభుత్వం చర్యలు తీసుకుంటుంది. ఇందుకోసం కేంద్రరాష్ట్ర ప్రభుత్వాలు విధించే పన్నుల్లో రాయితీ కల్పిస్తోంది.
-అన్ని జిల్లా కేంద్రాల్లో హెలిప్యాడ్లు నిర్మాణం చేపడతారు.
-మూతపడిన వరంగల్‌, ఆదిలాబాద్‌, నిజామాబాద్‌, రామగుండం విమానాశ్రయాల పునరుద్ధరించేలా ప్రభుత్వం చర్యలు చేపట్టింది. కొత్తగూడెంలో విమానాశ్రయ నిర్మాణానికి భూసేకరణ పూర్తయ్యింది.
-మహబూబ్‌నగర్‌, నల్గొండ, భూపాలపల్లి, కామారెడ్డి, మెదక్‌ జిల్లాల్లో చిన్న విమానాశ్రయాలు నిర్మించేందుకు అనువైన స్థలాలపై పరిశీలన జరుగుతోంది. జహీరాబాద్‌ నిమ్జ్‌, ముచ్చర్లలోని ఔషధనగరి నిమ్జ్‌లలో రన్‌వే లను నిర్మించనున్నారు.