తెలంగాణలో రిలయన్స్ విద్యాసంస్థ

తెలంగాణ రాష్ట్రంలో మరో ప్రైవేటు దిగ్గజం రిలయన్స్ సంస్థ భారీ విద్యాసంస్థను ప్రారంభించబోతుంది. రూ.10వేలకోట్ల పెట్టుబడితో విద్యాసంస్థను ప్రారంభించనున్న ఈ సంస్థ...వెయ్యి ఎకరాల స్థలాన్ని కేటాయించాలని తెలంగాణ ప్రభుత్వాన్ని కోరినట్లు సమాచారం. ఇటీవల కేటీఆర్ ముంబై వెళ్లినప్పుడు ఆ సంస్థ ప్రతినిధులతో ఈ అంశంపై చర్చించారని తెలిసింది.

కేజీ నుంచి పీజీ వరకు ఒకే చోటా విద్యను అందించే లక్ష్యంతో ప్రస్తుత మార్కెట్‌కు అనుగుణంగా అన్ని రకాల కోర్సులను ప్రవేశపెట్టాలని రిలయన్స్ భావిస్తోంది.

అయితే తాము స్థాపించబోయే విద్యాసంస్థల్లో రిజర్వేషన్లకు ఎట్టి పరిస్థితుల్లోనూ ఆస్కారం లేకుండా పూర్తిగా విద్యార్థి ప్రతిభ ఆధారంగానే అడ్మిషన్లు కల్పించాలని సంస్థ నిర్ణయించినట్లు తెలిసింది. కానీ, ప్రభుత్వం నుంచి పూర్తిగా కానీ, పాక్షికంగా కానీ ఏలాంటి రాయితీలు, ఇతరత్రా సహకారం పొందే విద్యాసంస్థ అయినా..ప్రభుత్వ నిబంధనలు..రిజర్వేషన్లు పాటించాలి. కానీ...రిలయన్స్ సంస్థ ఇందుకు భిన్నంగా ప్రతిపాదించడంతో...అందుకు వీలుగా ప్రైవేటు విద్యాసంస్థల నియంత్రణ చట్టాన్ని రూపొందించాలని మంత్రి కేటీఆర్ న్యాయ, విద్యాశాఖ మంత్రులు, అధికారులు, నిపుణులతో చర్చిస్తున్నట్లు తెలిసింది.

టాటా గ్రూపు ఆధ్వర్యంలో ముంబైలో నడుస్తున్న టాటా ఇన్సిట్యూట్ ఆఫ్ సోషల్ సైన్సెస్ డీమ్డ్ యూనివర్సిటీగా దేశంలో పలు చోట్ల (హైదరాబాద్ సహా) కేంద్రాలున్నాయి. అందులో ఎస్సీ,ఎస్టీ,బీసీలకు రిజర్వేషన్లు కూడా అమలవుతున్నాయి. దీంతో సియంబయోసిస్ విద్యాసంస్థ కూడా ఇదే పద్ధతిని కొనసాగిస్తుండగా..వీటికి భిన్నంగా రిలయన్స్ అడుగులు వేయాలని ప్రయత్నిస్తోంది.

With Rs Ten Thousand crore the Reliance industries group likely to establish an educational institute in Telangana. The Reliance group and TS government have met and discussed the issue, source said. The institute seeks nearly thousand acre land in the state at affordable price. The Reliance may strictly give admissions to students only on merit base not on reservation and it is looking possibility of KG to PG education at one place.