యాప్నగరం

సిగ్నల్స్ కట్ చేసి, యశ్వంత్‌పూర్‌ ఎక్స్‌ప్రెస్‌లో దోపిడీ

దివిటిపల్లి స్టేషన్‌లో రైలు ఆగగానే దుండగులు రాళ్ల దాడికి దిగారు. ఏం జరుగుతుందో తెలియని ప్రయాణికులు కిటికీలు తెరిచి చూశారు.

Samayam Telugu 22 Sep 2018, 10:59 am
యశ్వంత్‌పూర్‌ ఎక్స్‌ప్రెస్‌ ట్రెయిన్‌లో కొందరు గుర్తుతెలియని దుండగులు దారి దోపిడీకి పాల్పడ్డారు. మహబూబ్‌నగర్ జిల్లా దివిటిపల్లి రైల్వేస్టేషన్ వద్ద శనివారం తెల్లవారుజామున ఈ దోపిడీ జరిగింది. బెంగళూరు నుంచి కాచిగూడకు ఎక్స్‌ప్రెస్ రైలు వస్తున్న క్రమంలో దుండగులు దోపిడీ చేశారు. ఆ వివరాలిలా ఉన్నాయి.. దివిటిపల్లి స్టేషన్‌లో రైలు ఆగగానే దుండగులు రాళ్ల దాడికి దిగారు. దీంతో ఏం జరుగుతుందో తెలియని ప్రయాణికులు కిటికీలు తెరిచి చూశారు.
Samayam Telugu Yesvantpur Express train


తగిన సమయం కోసం వేచి చూస్తున్న దుండగులు కిటికీల పక్కన కూర్చున్న ప్రయాణికుల వద్ద నుంచి దాదాపు 25 తులాల నగలు, రూ.10 వేల నగదు దోపిడీ చేశారు. నాలుగు సెల్‌ఫోన్లు సైతం దుండగులు దోచుకెళ్లారు. కాగా, దుండగుల దోపిడీని ప్రతిఘటించిన క్రమంలో కొందరు మహిళలకు గాయాలయ్యాయి. ఈ ఘటనపై బాధితులు కాచిగూడ పోలీస్‌స్టేషన్‌లో ఫిర్యాదు చేశారు.

దోపిడీ ఘటనపై రైల్వే ఎస్పీ అశోక్‌కుమార్ స్పందించారు. ఎస్‌-2, ఎస్‌-3, ఎస్‌-8, ఎస్‌-9 బోగీల్లో దోపిడీ జరిగిందన్నారు. మహిళల మెడలోని చైన్లు, సెల్‌ఫోన్లు ఎత్తుకెళ్లారని తెలిపారు. సిగ్నల్స్ కట్ చేసిన నిందితులు దోపిడీకి పాల్పడి ఉండొచ్చునని అనుమానం వ్యక్తం చేశారు. కాగా, ఈ ఘటనపై డీజీపీ మహేందర్‌రెడ్డి ఆరా తీశారు. ఘటన వివరాలను రైల్వే పోలీసులను అడిగి తెలుసుకున్నారు.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.