ఎమ్మెల్యే రోజా ఇంట్లో దొంగతనం
వైఎస్సార్ కాంగ్రెస్ పార్టీ ఎమ్మెల్యే, నటి ఆర్కే రోజా ఇంట్లో దొంగతనం జరిగింది.
TNN 22 Jan 2018, 2:51 pm
వైఎస్సార్ కాంగ్రెస్ పార్టీ ఎమ్మెల్యే, నటి ఆర్కే రోజా ఇంట్లో దొంగతనం జరిగింది. హైదరాబాద్ మణికొండలోని పంచవటి కాలనీలోని ఆమె ఇంట్లో చోరీ జరిగినట్టుగా పోలీసులకు ఫిర్యాదు అందింది. ఈ మేరకు పోలీసులు రోజా ఇంటిని సందర్శించి.. కేసు నమోదు చేశారు.
రోజా ఇంటి నుంచి పది లక్షల రూపాయల విలువైన బంగారు, వెండి ఆభరణాలు చోరీకి గురి అయినట్టుగా తెలుస్తోంది. తెలిసిన వారే దొంగతనానికి పాల్పడి ఉండవచ్చునని పోలీసులు ప్రాథమిక అంచనాకు వచ్చారు. సంఘటన స్థలాన్ని పరిశీలించి, విచారణ జరుపుతున్నట్టుగా ప్రకటించారు. ఈ ఘటనపై రోజా ఇంకా స్పందించలేదు.