బలహీన వర్గాల సంక్షేమానికి భారీగా నిధులు

బడుగు బలహీన వర్గాల సంక్షేమమే తమ ప్రభుత్వ ధ్యేయమని తెలంగాణ సీఎం కేసీఆర్ పునరుద్ఘాటించారు. ఎస్సీ,ఎస్టీ,బీసీ వర్గాల ఉపాధి కోసం ప్రభుత్వం భారీగా నిధులు కేటాయిస్తుందని ఆయన తెలిపారు. బుధవారం అసెంబ్లీలో జరిగిన ప్రశ్నోత్తరాల సమయంలో ఆయన మాట్లాడారు.

‘‘ఎస్సీ,ఎస్టీ,బీసీ, ఇతర ఆర్థికంగా వెనుకబడిన తరగతుల సంక్షేమం కోసం కేటాయించిన రూ. 500 నుంచి 550 కోట్లు ఈ మార్చి 31 వరకు విడుదల చేస్తాం. ఎస్సీ సబ్ ప్లాన్ లో కేంద్రం కొత్త పంథా అవలంభిస్తోంది. ఈ ఆర్థిక సంవత్సరంలో ఇతర ఖర్చుల తగ్గించుకొని వారికి న్యాయం చేస్తాం. వచ్చే సంవత్సరానికి సంబంధించిన కేటాయింపులపై అన్ని వర్గాల శాసన సభ్యులతో చర్చించి బడ్జెట్ రూపకల్పన చేస్తాం. ఏ స్కీంలో ఏయే ఎంత మేరకు నిధులు కేటాయించాలో అప్పుడే నిర్ణయిస్తాం’’అని కేసీఆర్ చెప్పారు.