పెరగనున్న ఆర్టీసీ, కరెంట్ ఛార్జీలు

తెలంగాణ రాష్ట్రంలో ఆర్టీసీ బస్సు ఛార్జీలు మరియు కరెంట్ ఛార్జీలు పెరగనున్నాయి. టీఎస్ ఆర్టీసీ, విద్యుత్ శాఖ అధికారులతో ముఖ్యమంత్రి కే. చంద్రశేఖర్ రావు బుధవారం సమీక్ష సమావేశం నిర్వహించారు. సంస్థల ఆదాయం, వ్యయం మరియు నష్టాలపై సీఎం చర్చించారు. ఈ సందర్భంగా సామాన్య, గృహ వినియోగదారులపై భారం పడకుండా పెంపు ప్రతిపాదనలకు సీఎం కేసీఆర్ ఆమోదం తెలిపారు. గృహ అవసరాలకు వినియోగించే విద్యుత్‌పై 100 యూనిట్లలోపు ఎలాంటి విద్యుత్ ఛార్జీలు పెంచొద్దని, 100 యూనిట్లు దాటితే స్వల్పంగా పెంచాలని అధికారులకు సిఎం సూచించారు. పరిశ్రమలకు 7 శాతం లోపే పెంపు ఉండాలని చెప్పారు.

మరోవైపు ఆర్టీసీ పల్లె వెలుగు బస్సుల్లో 10 శాతం ఛార్జీలు పెరగనున్నాయి. 30 కిలో మీటర్ల లోపు దూరానికి రూపాయి, 30 కిలో మీటర్లు దాటితే రూ. 2 వరకు పెరగనుంది. ఐతే ఇతర సర్వీసుల్లో మాత్రం ఛార్జీల పెంపు 10 శాతానికి మించరాదని సీఎం సూచించారు. ధరల పెంపుపై గురువారం ప్రకటించనున్నారు.