ఏపీ రవాణా కీలక నిర్ణయం.. ఇకపై వాహనాల రిజిస్ట్రేషన్‌కు ఒకే కోడ్

ఏపీ రవాణా శాఖ కీలక నిర్ణయం తీసుకుంది. రాష్ట్రవ్యాప్తంగా రిజిస్ట్రేషన్ కోడ్‌లు ఎత్తవేసింది.. ఇకపై రాష్ట్రం మొత్తం ఒకే కోడ్‌తో రిజిస్ట్రేషన్ నెంబర్ అమలులోకి రానుంది. ఇకపై రిజిస్ట్రేషన్ చేయించుకునే వాహనాలకు జిల్లాకో కోడ్ ఉండదని మంత్రి అచ్చెన్నాయుడు తెలిపారు. బుధవారం అమరావతిలో మాట్లాడిన మంత్రి ఈ కీలక ప్రకటన చేశారు. కొత్త విధానంలో రెండు రోజుల్లోనే సిరీస్ మారిపోతుందతన్నారు.

కొత్త విధానం ప్రకారం.. ఇకపై అన్ని వాహనాలకు 39 సిరీస్‌తో రిజిస్ట్రేషన్లు అవుతాయని రవాణాశాఖ అధికారులు చెబుతున్నారు. 15 రోజుల్లో ఈ విధానం అమల్లోకి వస్తుందని తెలిపారు. కొత్త విధానం వల్ల పాత వాహనాలకు ఎలాంటి ఇబ్బందులు ఉండవంటున్నారు. దీనికి సంబంధించి నోటిఫికేషన్ కూడా జారీ చేశారు రవాణా శాఖ అధికారులు.