స‌భ్య‌త్వం కోసం ‘జనసేన’ ప్ర‌త్యేక యాప్‌..!

జనసేన పార్టీ సభ్యత్వ నమోదు కార్యక్రమాన్ని ఉధృతం చేసింది. ఇందులో భాగంగా పార్టీ సభ్యత్వ నమోదు కోసం ప్రత్యేకంగా యాప్ సిద్ధం చేసింది. ఆ పార్టీ అధినేత‌ పవన్ కల్యాణ్ జనసేన ఆవిర్భావ మహాసభలో మిస్డ్‌కాల్‌తో పార్టీ సభ్యులుగా చేరవచ్చని ప్రకటించిన సంగతి తెలిసిందే... దీంతో 'జనసైన్యం' పేరుతో ప్రారంభించిన సభ్యత్వ నమోదు కార్యక్రమంలో... ఇప్పటి వరకు 17 లక్షల మంది సభ్యులుగా చేరారు.

సభ్యత్వ నమోదు కార్యక్రమాన్ని మరింత విస్తృత పరిచేందుకుగాను ప్రత్యేకంగా యాప్‌ను రూపొందించారు. ప్రధానంగా యువతను లక్ష్యంగా చేసుకుని ఈ యాప్‌ను రూపొంచినట్లు జనసేన పార్టీ ఐటీ విభాగం ప్రతినిధి విజయ నిర్మల తెలిపారు. నిజాయితీగల రాజకీయాలతో పటిష్టమైన పౌర సమాజాన్ని నిర్మించేందుకు జనసేన కట్టుబడి ఉందని ఆమె తెలిపారు. యాప్ ద్వారా సభ్యత్వ నమోదు ప్రక్రియ మరింత సులభం అవుతుందని అన్నారు. .

జనసేన సభ్యత్వం కోరుకునేవారు .. 93940 22222 నెంబర్‌కు మిస్డ్‌‌కాల్‌ ఇస్తే... సభ్యులుగా చేరవచ్చు. మిస్డ్‌కాల్‌ ఇచ్చినవారి ఫోన్‌ నెంబర్‌కు యూనిక్‌ మెంబర్‌‌షిప్‌ ఐడీతోపాటు... మెంబర్‌‌షిప్‌ వెబ్‌‌సైట్‌‌లోకి లాగిన్‌ కావడానికి అవసరమైన లింక్‌ కూడా వస్తుంది. సభ్యులు తమ ఫోటో, ఎంపిక చేసుకున్న భాషలో... ఇ-మెంబర్‌‌షిప్‌ కార్డు పొందవచ్చు. ఏప్రిల్‌ 2 నుంచి యాప్‌ ద్వారా సభ్యత్వ నమోదు ప్రారంభం కానుంది.