డ్రగ్ యాక్టర్లపై చర్యలు తప్పవు: తలసాని

మాదక ద్రవ్యాల కేసులో దోషులు ఎంతటివారినైనా వదిలిపెట్టబోమని తెలంగాణ సినిమాటోగ్రఫి మంత్రి తలసాని శ్రీనివాస్ యాదవ్ స్పష్టం చేశారు. సిట్ విచారణలో వెల్లడైన వాస్తవాల ఆధారంగా నటీనటులపై చర్యలు తీసుకుంటామని ఆయన తెలిపారు. సిట్ విచారణ అనంతరం సినీ పెద్దలతో సమావేశం కానున్నట్లు వెల్లడించారు.

గత ప్రభుత్వాల నిర్లక్ష్యం వల్లే రాష్ట్రంలో పెద్దల నుంచి పిల్లల వరకు డ్రగ్స్ మహమ్మారి అంటుకుందని తలసాని విమర్శించారు. డ్రగ్స్ అంశంపై సీఎం కేసీఆర్ సీరియస్ గా ఉన్నారని మంత్రి గుర్తు చేశారు.