రెచ్చగొట్టే ముఠాలో ప్రొ.కోదండరాం ఉన్నారు!

విద్యార్థులను ఓ ముఠా రెచ్చగొడుతుందని, ఆ ముఠాలో ప్రొ.కోదండరాం ఉన్నారని తెలంగాణ పశుసంవర్ధక శాఖమంత్రి తలసాని శ్రీనివాస్ యాదవ్ ఆరోపించారు. పశుసంవర్ధక శాఖలో ఖాళీగా ఉన్న ఉద్యోగాలను త్వరలో భర్తీ చేస్తామని ఆయన స్పష్టం చేశారు. చిల్లర రాజకీయాల కోసం కొంతమంది డ్రామా కంపెనీలా వ్యవహరిస్తున్నారని మంత్రి దుయ్యబట్టారు.

జోనల్ వ్యవస్థ వల్ల కొన్ని ఇబ్బందులున్నాయని.. అందుకే నియామకాలు ఆలస్యమవుతున్నాయని ఆయన తెలిపారు. రెండువారాల్లో సంచార పశువైద్యశాలలు అందుబాటులోకి వస్తాయని తెలిపారు.

గొర్రెల కొనుగోలుకు ముందే అవినీతి జరిగిందని బీజేపీ నేత నాగం జనార్ధన్ రెడ్డి ఆరోపించడం విడ్డూరంగా ఉందని తలసాని దుయ్యబట్టారు.