స్వైన్ ఫ్లూతో మూడేళ్ల బాలుడు మృతి

హైదరాబాద్ ను స్వైన్‌ ఫ్లూ మహమ్మారి వణికిస్తోంది. సికింద్రాబాద్-గాంధీ ఆస్పత్రి లో స్వైన్ ఫ్లూ తో మూడేళ్ల బాలుడు సోమవారం మృతిచెందాడు. ముషీరాబాద్ లోని గాంధీ నగర్ కు చెందిన బాలుడు( 3)స్వైన్ ఫ్లూ తో ఈ నెల 4న గాంధీ ఆసుపత్రిలో చేరి చికిత్స పొందుతూ ఈ రోజు మరణించాడు.

ఇదే ఆస్పత్రి లో మరో ఇద్దరు చిన్నారులు స్వైన్ ఫ్లూ తో బాధపడుతూ చికిత్స పొందుతున్నారు. ఈ యేడాది జనవరి నుంచి గాంధీ ఆస్పత్రి లో స్వైన్ ఫ్లూ తో మృతి చెందిన వారి సంఖ్య 22 కు చేరిందని వైద్యులు తెలిపారు. ఎండాకాలంలోనూ స్వైన్ ఫ్లూ వ్యాపిస్తుడటం తో చిన్నారుల తల్లిదండ్రులు, వైద్యులు భయాందోళనకు గురవుతున్నారు.

పరిసరాలు పరిశుభ్రంగా ఉంచుకోవాలని, పిల్లల ఆరోగ్యం విషయంలో చాలా జాగ్రత్తగా ఉండాలని వైద్యులు సూచిస్తున్నారు.