ప్రైవేటు రిజర్వేషన్ల బిల్లు తెస్తే మద్దతిస్తాం - టి.కాంగ్రెస్

హైదరాబాద్: ప్రభుత్వం రంగం మాదిరిగానే ప్రైవేటు రంగంలోనూ రిజర్వేషన్లు కల్పించాలని కోరుతూ టి.కాంగ్రెస్ నేత వీహెచ్ శనివారం దీక్షకు దిగారు. ఇందిరా పార్క్ వద్ద ఉదయం నుంచి ప్రారంభమైన ఒక్కరోజు దీక్షకు టి.కాంగ్రెస్ సీనియర్ నేతలు జానారెడ్డి , ఉత్తమ్ కుమార్ రెడ్డి సహా పలువురు నేతలు సంఘీభావం తెలిపారు. ఈ నేపథ్యంలో వీహెచ్ దీక్షా శిబిరం కాంగ్రెస్ నేతలు, కార్యకర్తలతో కిటకిటలాడుతోంది.

ఈ సందర్భంగా టి.కాంగ్రెస్ అధ్యక్షుడు ఉత్తమ్ కుమార్ రెడ్డి మాట్లాడుతూ సమాజంలో ఉన్న వెనకబాటుదనాన్ని పారద్రోలాలంటే ప్రైవేటు రంగంలో కూడా రిజర్వేషన్ల అవసరముందన్నారు. దీనికి ప్రేవేటు సంస్థలు సహకరించాలని కోరారు. ఎన్టీయే ప్రభుత్వం రిజర్వేషన్ల చట్టాన్ని సవరించి ప్రైవేటు రిజర్వేషన్లను పొందుపరిస్తే దానికి తాము మద్దతు తెలుపుతామని తెలంగాణ పీసీసీ అధ్యక్షుడు ఉత్తమ్ కుమార్ రెడ్డి హామీ ఇచ్చారు.