పార్టీకి పూర్వవైభవమే మా లక్ష్యం: ఎల్. రమణ

ఈ నెల 24 హైదరాబాద్ లో జరుగనున్న టీడీపీ మినీ మహానాడు (సన్నాహాక మహానాడు) ఏర్పాట్లు జోరుగా సాగుతున్నన్నాయి. హైదరాబాద్‌ ఎగ్జిబిషన్‌ మైదానంలో మహానాడు జరుగనుంది. తెలంగాణ టీడీపీ నేతలు మహానాడు ఏర్పాట్లను పరిశీలించారు.

ఈ సందర్భంగా టీటీడీపీ అధ్యక్షుడు ఎల్.రమణ మాట్లాడుతూ తెలంగాణలో పార్టీకి పూర్వవైభవం తీసుకురావడమే లక్ష్యమన్నారు. పేదల సంక్షేమం కోసం కృషి చేసిన ఏకైక పార్టీ టీడీపీ అన్నారు.

తెలంగాణ ప్రభుత్వ వైఫల్యాలపై మహానాడులో చర్చిస్తామని ఆయన చెప్పారు. అన్నిరంగాల్లో అభివృద్ధి కుంటుపడిందని విమర్శించారు. 9 తీర్మానాలు ప్రతిపాదించి విశాఖ మహానాడులో ఆమోదింపజేసుకుంటామని చెప్పారు.