ఎమ్మెల్సీ వాకాటిని సస్పెండ్ చేస్తున్నా: బాబు

నెల్లూరు స్థానిక సంస్థల ఎమ్మెల్సీ వాకాటి నారాయణ రెడ్డిని పార్టీ నుంచి సస్పెండ్ చేస్తున్నట్లు టీడీపీ అధినేత, ఏపీ సీఎం చంద్రబాబు నాయుడు వెల్లడించారు. శనివారం అమెరికా నుంచి రాష్ట్రానికి చేరుకున్న ఆయన విదేశీ పర్యటన విశేషాలకు మీడియా ప్రతినిధులతో పంచుకున్నారు.

ఈ సందర్భంగా ప్రభుత్వం, పార్టీకి చెడ్డ పేరు రాకుండా ఉండేందుకు వాకాటిని సస్పెండ్ చేస్తున్నామని బాబు తెలిపారు. దర్యాప్తు నివేదికను బట్టి తదుపరి చర్యలుంటాయని ఆయన చెప్పారు.

ఆస్తుల విలువ ఎక్కువ చూపించి వాటినే హామీగా పెట్టి వివిధ బ్యాంకుల నుంచి భారీగా రుణం(రూ.190కోట్లు) తీసుకున్న వాకాటి.. రుణాన్ని తిరిగి చెల్లించకుండా ఎగ్గొట్టారన్న ఫిర్యాదుపై శుక్రవారం సీబీఐ ఆయన ఆస్తులపై దాడులు నిర్వహించింది. ఈ మేరకు కేసు నమోదు చేసింది.