ఆంధ్రప్రదేశ్‌లో వైసీపీ ప్రభంజనాన్ని తట్టుకుని టీడీపీ నుంచి ముగ్గురు ఎంపీలు విజయం సాధించారు. వారిలో శ్రీకాకుళం ఎంపీ కింజరాపు రామ్మోహన్‌నాయుడు ఒకరు. కింజరాపు ఎర్రంనాయుడు కుమారుడైన రామ్మోహన్ నాయుడు శ్రీకాకుళం లోక్‌సభ స్థానం నుంచి వరుసగా రెండోసారి గెలుపొందారు. 16వ లోక్‌సభలో ఎంపీ రామ్మోహన్, ఏపీకి ప్రత్యేక హోదాపై అనర్గళంగా ప్రసంగించి అందరి ప్రశంసలు అందుకున్నారు. తాజాగా, ఆయన నూతన ఒరవడికి శ్రీకారం చుట్టారు. జూన్ 17 నుంచి పార్లమెంటు సమావేశాలు ప్రారంభమవుతున్న నేపథ్యంలో సభలో తాను ప్రస్తావించాల్సిన అంశాలను, సమస్యల గురించి తెలియజేయాలని ట్విట్టర్ ద్వారా ప్రజలను కోరారు. వీటిని తన దృష్టికి తీసుకురావాలంటూ ఆయన విజ్ఞప్తి చేశారు. ఈ మేరకు ఎంపీ రామ్మోహన్ నాయుడు ఓ ట్వీట్ చేశారు.
రామ్మోహన్ ట్వీట్‌కు నెటిజన్ల నుంచి అనూహ్య స్పందన లభిస్తోంది. ఎక్కువ మంది ఏపీకి ప్రత్యేక హోదాపై పార్లమెంటులో ప్రస్తావించాలని, మోదీ నిలదీయమని సలహా ఇచ్చారు. అలాగే శ్రీకాకుళానికి అదనపు రైళ్లను నడపాలని అడగమన్నారు. విభజన చట్టంలో పేర్కొన్న అన్ని అంశాలపై కేంద్ర ప్రభుత్వాన్ని ప్రశ్నించాలని కొందరు, నిరుద్యోగులకు ఉపాది అవకాశాలపై మాట్లాడాలని ఇంకొందరు విజ్ఞప్తి చేశారు.
రామ్మోహన్ ట్వీట్‌కు నెటిజన్ల నుంచి అనూహ్య స్పందన లభిస్తోంది. ఎక్కువ మంది ఏపీకి ప్రత్యేక హోదాపై పార్లమెంటులో ప్రస్తావించాలని, మోదీ నిలదీయమని సలహా ఇచ్చారు. అలాగే శ్రీకాకుళానికి అదనపు రైళ్లను నడపాలని అడగమన్నారు. విభజన చట్టంలో పేర్కొన్న అన్ని అంశాలపై కేంద్ర ప్రభుత్వాన్ని ప్రశ్నించాలని కొందరు, నిరుద్యోగులకు ఉపాది అవకాశాలపై మాట్లాడాలని ఇంకొందరు విజ్ఞప్తి చేశారు.