తారుమారైన అభ్యర్థుల పేర్లు.. పోలింగ్ రద్దు

బ్యాలెట్ పత్రంలో అభ్యర్థుల పేర్లు తారుమారు కావడంతో రంగారెడ్డి, మహబూబ్ నగర్, హైదరాబాద్ ఉపాధ్యాయుల నియోజకవర్గ ఎమ్మెల్సీ పోలింగ్ ను ఎన్నికల సంఘం రద్దు చేసింది. గురువారం జరిగిన ఈ ఎన్నికలో..వికారాబాద్ లోని పోలింగ్ బూత్ లో ఉన్న బ్యాలెట్ పత్రంలో మూడో నంబర్లో ఉన్న టీఎస్ యూటీఎణ్ అభ్యర్థి మాణిక్ రెడ్డి...తొమ్మిదో నెంబర్లో ఉన్న ఇండిపెండెంట్ అభ్యర్థి లక్ష్మయ్యల ఫొటోలు తారుమారయ్యాయి. దీంతో పోలింగ్ ను రద్దు చేయాలని మాణిక్ రెడ్డి ఎన్నికల ప్రధాన అధికారి భన్వర్ లాలు దృష్టికి తీసుకొచ్చారు.

బ్యాలెట్ పేపర్లో అభ్యర్థుల పేర్లు, ఫొటోలు తారుమారైన సంగతిని నిర్ధారించాక..విషయాన్ని ఎన్నికల సంఘానికి నివేదించారు. దీంతో ఎన్నికల సంఘం ఆ పోలింగ్ ను రద్దు చేసి ఈ నెల 19న రీపోలింగ్ నిర్వహించాలని ఆదేశాలు జారీ చేసింది.