27 నుంచి అసెంబ్లీ సమావేశాలు..

శాసనసభ, మండలి సమావేశాలను అక్టోబర్ 27 నుంచి నిర్వహించాలని తెలంగాణ ప్రభుత్వం నిర్ణయం తీసుకుంది. ప్రగతిభవన్‌లో మంత్రులు, ప్రజాప్రతినిధులు, ఉన్నతాధికారులతో సమావేశమైన సీఎం కేసీఆర్ ఈ మేరకు నిర్ణయం తీసుకున్నారు. ఆ వెంటనే అసెంబ్లీ కార్యదర్శికి అధికారులు ప్రతిపాదనలను పంపారు. సభ నిర్వహణకు సంబంధించి 26న బీఏసీ సమావేశం నిర్వహించనున్నారు. అసెంబ్లీ శీతాకాల సమావేశాలను 20 రోజుల పాటు నిర్వహించాలని ప్రభుత్వం భావిస్తోంది. మంత్రులతో దీనిపై కేసీఆర్ సుదీర్ఘంగా చర్చించారు.

ఈ సందర్భంగా శాసనసభలో చర్చ జరిగిన ప్రతి అంశంపై మండలిలోనూ చర్చ జరిగేలా చూడాలని నిర్ణయం తీసుకున్నారు. సభలో ప్రతిపక్షాలు ఏ అంశంపై ప్రశ్నలు లేవనెత్తినా.. సమాధానం చెప్పడానికి సర్వసిద్ధంగా ఉండాలని మంత్రులకు కేసీఆర్ సూచించారు.