అటెండర్ ఇంట్లో శుభకార్యానికి వెళ్లిన సీఎం కేసీఆర్

తెలంగాణ ముఖ్యమంత్రి కేసీఆర్ మరోసారి తన సింప్లిసిటీని చాటుకున్నారు. తన కంటే తక్కువ స్థాయిలో ఉండే వారి పట్ల కూడా కేసీఆర్ ఎలాంటి ఆదరణ కలిగి ఉంటారనేదానికి ఇది మరొక ఉదాహారణ. సీఎం కేసీఆర్ వద్ద పనిచేసే అటెండర్ ఎల్లయ్య కుమారుడి వివాహం ఇటీవల జరిగింది. హైదరాబాదులోని నాచారంలో ఆదివారం రోజున రిసెప్షన్ ఏర్పాటు చేశారు. ఈ వివాహ విందులో సీఎం కేసీఆర్ పాల్గొని నూతన వధూవరులను ఆశీర్వదించారు. సీఎంతో పాటుగా ప్రభుత్వ విప్ బి.వెంకటేశ్వర్లు, ఎమ్మెల్యే ముత్తిరెడ్డి యాదగిరి రెడ్డి పాల్గొన్నారు. ఈ సందర్భంగా వారు కొమురవెల్లి మల్లన్న ప్రసాదాన్ని, తలంబ్రాలను ముఖ్యమంత్రికి అందజేశారు.

ఎల్లయ్య గత కొన్నేళ్లుగా కేసీఆర్ వద్ద అటెండర్‌గా పనిచేస్తున్నాడు. వారి ఇంట్లో జరిగిన శుభకార్యానికి ముఖ్యమంత్రి వచ్చి ఆశీర్వదించటంతో ఎల్లయ్య కుటుంబీకులు, బంధువులు అమితానందం వ్యక్తం చేశారు.