27న విజయవాడకు తెలంగాణ సీఎం..

తెలంగాణ ముఖ్యమంత్రి కేసీఆర్‌ విజయవాడ పర్యటన ఖరారైంది. సెప్టెంబర్ 27న ఆయన ఆంధ్రప్రదేశ్‌ తాత్కాలిక రాజధాని విజయవాడకు వెళ్లనున్నారు. తెలంగాణ ఉద్యమం సమయంలో దేవుళ్లకు మొక్కుకున్న కేసీఆర్.. ఆ మొక్కులను వరసగా తీర్చుకుంటున్న విషయం తెలిసిందే. ఇందులో భాగంగా బెజవాడ కనకదుర్గమ్మను దర్శించుకుని బంగారు ముక్కుపుడక సమర్పించనున్నారు.

కేసీఆర్‌ ఇప్పటికే వరంగల్‌ భద్రకాళి అమ్మవారికి బంగారు కిరీటం, స్వర్ణపత్రాలు; తిరుమల శ్రీవారికి స్వర్ణ సాలిగ్రామహారం, స్వర్ణ కంఠాభరణాలు; కురవి వీరభద్రుడికి బంగారు మీసం సమర్పించిన సంగతి తెలిసిందే.