పిడుగుపాటుకు చనిపోతే రూ.6 లక్షలు!

తెలంగాణ ప్రభుత్వం సంచలన నిర్ణయం తీసుకుంది. వయసుతో సంబంధం లేకుండా పిడుగుపాటుకు మరణించిన ఎవ్వరికైనా తక్షణమే రూ.6 లక్షల ఎక్స్‌గ్రేషియా ఇవ్వాలని నిర్ణయించింది. ఇందుకు సంబంధించి గురువారం (జులై 19) ఉత్తర్వులు కూడా జారీచేసింది. గతంలో పిడుగుపాటుకు మరణించినవారికి 'ఆపద్భందు' పథకం కింద రూ.50వేలు పరిహారమే ఇచ్చేది. అయితే తాజాగా రూ.6 లక్షల ఎక్స్‌గ్రేషియాను ప్రభుత్వం ప్రకటించింది.

'రైతు బీమా' పేరుతో 18-59 సంవత్సరాల రైతులు చనిపోతే రూ.5 లక్షల బీమా ప్రకటించిన సంగతి తెలిసిందే. ఆగస్టు 15 నుంచి బీమాకు సంబంధించిన బాండ్లను రైతులకు ఇవ్వనున్నారు. ఇప్పటివరకు దరఖాస్తు చేసుకోనివారు సరైన కారణం చెప్పి దరఖాస్తు చేసుకోవచ్చు.