ఏవో పోస్టుల భర్తీకి టీ సర్కార్ గ్రీన్ సిగ్నల్

తెలంగాణలో ఉద్యోగ ప్రకటనల కోసం వేచిచూస్తున్న నిరుద్యోగులకి ఓ గుడ్ న్యూస్. వ్యవసాయశాఖ, బీసీ సంక్షేమ శాఖల్లో ఎప్పటి నుంచో ఖాళీగా వున్న ఉద్యోగాలని భర్తీ చేసేందుకు తెలంగాణ రాష్ట్ర సర్కార్ ఆమోదం తెలిపింది. వ్యవసాయ శాఖలో 753 అగ్రికల్చర్ ఆఫీసర్ల (ఏవోలు)పోస్టులు, బీసీ సంక్షేమ శాఖలో 224 ఖాళీ పోస్టులను భర్తీ చేసేందుకు అవసరమైన అనుమతులని కల్పిస్తూ తెలంగాణ సర్కారు టీఎస్‌పీఎస్సీకి ఉత్తర్వులు జారీచేసింది. ఇదే జీవోతోపాటు 229 హాస్టల్ వెల్ఫేర్ ఆఫీసర్( గ్రేడ్-2) పోస్టుల నియామకానికి సైతం ప్రభుత్వం గ్రీన్ సిగ్నల్ ఇచ్చింది.

తాజాగా తెలంగాణ రాష్ట్ర ప్రభుత్వం నుంచి వెలువడిన ఉత్తర్వుల మేరకు త్వరలోనే టీఎస్‌పీఎస్‌సీ నుంచి దరఖాస్తు ప్రారంభ తేదీ, చివరి తేదీ, అర్హతలు వంటి సమాచారంతో కూడిన ప్రకటన వెలువడనుంది.