మంత్రి మల్లారెడ్డి పెద్ద మనసు.. అనాధ యువతికి కన్యాదానం

తెలంగాణ మంత్రి మల్లారెడ్డి పెద్ద మనసు చాటుకున్నారు. అనాధ యువతికి తండ్రిగా మారి పెళ్లిలో కన్యాదానం చేశారు.. దగ్గరుండి పెళ్లి పెద్దగా వేడుకను ఘనంగా జరిపారు. మంచి పనితో ప్రజలతో పాటూ నెటిజన్ల మనసును గెలుచుకున్నారు. శభాష్ అంటూ తోటి నేతలు, ప్రముఖుల నుంచి ప్రశంసలు అందుకుంటున్నారు.

మేడ్చల్ జిల్లా బహుదూర్‌పల్లి గౌరీ అనాధ ఆశ్రమంలో యువతికి విజయవాడకు చెందిన యువకుడితో పెళ్లి నిశ్చయమయ్యింది. ఈ వివాహ వేడుకకు మంత్రి చామకూర మల్లారెడ్డి, తన భార్యతో కలిసి హాజరై.. పెళ్లి పెద్దగా, ముఖ్య అతిథిగా మారారు. అనాధ యువతిని సొంత బిడ్డలా భావించి.. దంపతులిద్దరూ కన్యాదానం చేశారు.

యువతికి కన్యాదానం చేయడమే కాదు.. ఆమెకు భవిష్యత్‌ కోసం ఆర్థికంగా సాయం చేశారు. ఆమె పేరు మీద రూ.2లక్షల35వేలు ఫిక్స్2డ్ డిపాజింట్ చేశారు. మరో రూ.25వేలు డబ్బు కూడా అందజేశారు. వివాహానికి సంబంధించిన ఖర్చును కూడా మంత్రిగారే ఇచ్చారట. మంత్రి మల్లారెడ్డి పెద్ద మనసును స్థానికులతో పాటూ నేతలు కూడా ప్రశంసలు కురిపించారు.