ఆ చిన్నారిని బతికించుకుంటాం: మంత్రి

రంగా రెడ్డి జిల్లా చేవెళ్ల మండలం ఇక్కారెడ్డిగూడలో బోరుబావిలో పడిన చిన్నారిని రక్షించేందుకు చేపట్టిన సహాయక చర్యల్ని స్వయంగా దగ్గరుండి పర్యవేక్షిస్తున్న మంత్రి పట్నం మహేందర్ రెడ్డి అక్కడి నుంచే మీడియాతో మాట్లాడారు. 'తాము ఇక్కారెడ్డిగూడకి సమీపంలోనే జరుగుతున్న ఓ కార్యక్రమంలో పాల్గొనడానికి వచ్చినప్పుడు ఇక్కడ బోరుబావిలో ఓ చిన్నారి పడిపోయిందని సమాచారం అందింది. అర్ధగంటలో అధికార యంత్రాంగం అంతా కలిసి ఇక్కారెడ్డిగూడకి వచ్చాం. అప్పటినుంచే సహాయకచర్యలు మొదలుపెట్టాం' అని తెలిపారు మంత్రి.

''సహాయక చర్యలు చేపట్టి ఇప్పటికే దాదాపు మూడు గంటలు దాటిపోయింది. కెమెరా సహాయంతో పరిశీలించగా చిన్నారి చేతులు కదిలించడం కనిపించింది. అదృష్టవశాత్తుగా చిన్నారి బతికే వుంది. బోరుబావికి సమాంతరంగా నాలువైపులు ప్రొక్లెయినర్లతో తవ్వుతూ చిన్నారిని వెలికి తీసేందుకు చేయాల్సిన ప్రయత్నాలన్నీ చేస్తున్నాం. మరో ఐదారు గంటల్లో రెస్క్యూ ఆపరేషన్ పూర్తి చేసి చిన్నారిని ప్రాణాలతో వెలికితీసి రక్షించుకుంటామనే నమ్మకం వుంది'' అని ధీమా వ్యక్తంచేశారు మంత్రి మహేందర్ రెడ్డి.