దేశాన్ని పట్టిపీడిస్తున్న మహమ్మారి లంచం. ప్రభుత్వాలు ఎన్ని కఠినచర్యలు తీసుకుంటున్నా, లంచం తీసుకోవడం నేరమని చట్టాలు చెబుతున్నా అక్రమార్కులకు అవేమీ పట్టవు. నిరుపేదలు, వృద్ధులు ఎవరైనా సరే పని చేయాలంటే చేయి తడపాల్సిందే అన్నట్లుగా తయారయ్యాయి ప్రభుత్వ కార్యాలయాలు. పట్టా భూములకు పాసు పుస్తకాలు ఇచ్చేందుకు తహసీల్దార్ లంచం అడగగా.. ఆ డబ్బుకోసం వృద్ధ దంపతుల భిక్షాటన చేస్తూ నిరసన తెలిపిన ఘటన జయశంకర్ భూపాలపల్లి జిల్లాలో చోటుచేసుకుంది.
‘తమ పాసు పుస్తకాలు ఇచ్చేందుకు తహసీల్దార్ లంచం అడుగుతున్నాడని, తాము ముసలివాళ్లం కావడంతో తగినంత డబ్బు లేదని, అందువల్ల లంచం ఇచ్చేందుకు బిచ్చం వేయండి’ అంటూ ఫ్లెక్సీతో ఆ దంపతులు భిక్షాటన చేశారు. ఈ విషయం సోషల్‌మీడియాలో వైరల్ కావడంతో జిల్లా కలెక్టర్ వాసం వెంకటేశ్వర్లు దృష్టికి వెళ్లింది. దీంతో ఆయన వెంటనే ఆర్డీవోకు ఫోన్ చేసి సమస్య పరిష్కరించాల్సిందిగా ఆదేశించారు. దీంతో భూపాలపల్లి ఆర్డీవో వెంకటాచారి వృద్ధ దంపతులను తన కార్యాలయానికి పిలిపించి 4.10ఎకరాలకు పట్టాదారు పాసుపుస్తకాన్ని జారీ చేశారు. మిగతా 5.07 ఎకరాల భూమి వివాదంలో ఉన్నందున పూర్తిగా పరిశీలించాకే పాసు పుస్తకం జారీచేస్తామని చెప్పారు. లంచగొండితనానికి ఈ దంపతులు సరైన పరిష్కారం చూపించారంటూ చాలామంది వారిని అభినందిస్తున్నారు.
‘తమ పాసు పుస్తకాలు ఇచ్చేందుకు తహసీల్దార్ లంచం అడుగుతున్నాడని, తాము ముసలివాళ్లం కావడంతో తగినంత డబ్బు లేదని, అందువల్ల లంచం ఇచ్చేందుకు బిచ్చం వేయండి’ అంటూ ఫ్లెక్సీతో ఆ దంపతులు భిక్షాటన చేశారు. ఈ విషయం సోషల్‌మీడియాలో వైరల్ కావడంతో జిల్లా కలెక్టర్ వాసం వెంకటేశ్వర్లు దృష్టికి వెళ్లింది. దీంతో ఆయన వెంటనే ఆర్డీవోకు ఫోన్ చేసి సమస్య పరిష్కరించాల్సిందిగా ఆదేశించారు. దీంతో భూపాలపల్లి ఆర్డీవో వెంకటాచారి వృద్ధ దంపతులను తన కార్యాలయానికి పిలిపించి 4.10ఎకరాలకు పట్టాదారు పాసుపుస్తకాన్ని జారీ చేశారు. మిగతా 5.07 ఎకరాల భూమి వివాదంలో ఉన్నందున పూర్తిగా పరిశీలించాకే పాసు పుస్తకం జారీచేస్తామని చెప్పారు. లంచగొండితనానికి ఈ దంపతులు సరైన పరిష్కారం చూపించారంటూ చాలామంది వారిని అభినందిస్తున్నారు.