ఆసిఫాబాద్ జిల్లా: పురిటి నొప్పులతో బాధపడుతున్న నిండు గర్భిణి ఎడ్ల బండి మీద నడుం లోతు నీటిలో హాస్పిటల్‌కు తరలించిన ఘటన తెలంగాణలోని కొమురం భీం ఆసిఫాబాద్ జిల్లాలో చోటు చేసుకుంది. వివరాల్లోకి వెళ్తే.. బెజ్జూర్ మండలం సోమిని గ్రామానికి చెందిన కొండ్ర ఇందు అనే గర్భిణి నెలలు నిండటంతో పురిటి నొప్పులొచ్చాయి. మండల కేంద్రానికి 12 కి.మీ. దూరంలో ఉన్న ఆ ఊరికి వెళ్లాలంటే మార్గమధ్యంలో ఉన్న వాగును దాటాలి. మామూలు రోజుల్లోనే అంత దూరం వెళ్లాలంటే దారి సరిగా ఉండక అక్కడి గిరిజన ప్రజలు ఇబ్బందులు పడతుంటారు.
వెళ్లే దారి సరిగా లేకపోవడం, వరద నీటిలో వెళ్లాల్సి రావడంతో గతంలో బెజ్జూరు ప్రాథమిక ఆరోగ్య కేంద్రానికి వెళ్లేలోపే చాలామంది ప్రాణాలు కోల్పోయిన ఉదంతాలు కూడా ఉన్నాయి. గతేడాది వర్షాకాలం ఇదే వాగు దాటుతూ వాగు మధ్యలోనే ఒక గర్భవతి బిడ్డకి జన్మనిచ్చింది. వరద ప్రవాహం ఎక్కువగా ఉన్నప్పుడు ఇలా దాటడం కూడా చాలా కష్టం. దాదాపు ఎడ్లు మునిగిపోయేంతగా వరద నీరు ఉండటంతో.. అవి బండిని నీళ్లల్లోంచి లాగలేక లాగుతున్నాయి. తమ గ్రామానికి రహదారి సౌకర్యం కల్పించాలని, అంబులెన్స్ సేవలు లభ్యమయ్యేలా చూడాలని గ్రామస్థులు ప్రభుత్వాన్ని కోరుతున్నారు.
వెళ్లే దారి సరిగా లేకపోవడం, వరద నీటిలో వెళ్లాల్సి రావడంతో గతంలో బెజ్జూరు ప్రాథమిక ఆరోగ్య కేంద్రానికి వెళ్లేలోపే చాలామంది ప్రాణాలు కోల్పోయిన ఉదంతాలు కూడా ఉన్నాయి. గతేడాది వర్షాకాలం ఇదే వాగు దాటుతూ వాగు మధ్యలోనే ఒక గర్భవతి బిడ్డకి జన్మనిచ్చింది. వరద ప్రవాహం ఎక్కువగా ఉన్నప్పుడు ఇలా దాటడం కూడా చాలా కష్టం. దాదాపు ఎడ్లు మునిగిపోయేంతగా వరద నీరు ఉండటంతో.. అవి బండిని నీళ్లల్లోంచి లాగలేక లాగుతున్నాయి. తమ గ్రామానికి రహదారి సౌకర్యం కల్పించాలని, అంబులెన్స్ సేవలు లభ్యమయ్యేలా చూడాలని గ్రామస్థులు ప్రభుత్వాన్ని కోరుతున్నారు.