ICET 2018 Results: తెలంగాణ ఐసెట్ ఫలితాలు విడుదల

తెలంగాణ ఐసెట్ ఫలితాలు విడుదలయ్యాయి. హైదరాబాద్ ఉన్నత విద్యామండలి కార్యాలయంలో ఛైర్మన్ పాపిరెడ్డి.. రిజల్ట్స్‌ను విడుదల చేశారు. ఐసెట్ మొత్తం 55వేల191మంది హాజరైతే.. 49వేల 812మంది అర్హత సాధించారు. ఉత్తీర్ణతా శాతం 90.25గా ఉంది. హైదరాబాద్‌కు చెందిన తాటి ఆదిత్య 164.28 మార్కులతో స్టేట్ ఫస్ట్ ర్యాంక్ దక్కించుకున్నాడు. సాయి సందీప్, నవీన్‌కుమార్‌లు రెండు, మూడు ర్యాంకులు.. అమ్మాయిల్లో టాప్‌గా నిలిచిన లక్ష్మీ స్రవంతి స్టేట్ నాలుగో ర్యాంక్ సాధించింది.

ఐసెట్‌లో అర్హత సాధించిన విద్యార్థులకు ఉన్నత విద్యామండలి ఛైర్మన్ పాపిరెడ్డి ఛైర్మన్ పాపిరెడ్డి అభినందనలు తెలిపారు. మరో 15రోజుల్లో కౌన్సెలింగ్ ప్రక్రియ ప్రారంభమవుతుందని తెలియజేశారు. రాష్ట్రంలోని ఎంబీఏ, ఎంసీఏ కాలేజీల్లో సీట్ల భర్తీ కోసం గత నెల 23, 24న ఐసెట్‌ను నిర్వహించగా.. ఫలితాలను ఇవాళ విడుదల చేశారు. ఈ ఏడాది ఐసెట్‌ను కాకతీయ యూనివర్శిటీ నిర్వహించింది.