Sravan Kumar Reddy: బోస్టన్ బీచ్‌లో తెలుగు విద్యార్థి గల్లంతు

అమెరికాలోని బోస్టన్ బీచ్‌లో తెలుగు విద్యార్థి గల్లంతయ్యాడు. మంచిర్యాల జిల్లా బెల్లంపల్లికి చెందిన శ్రావణ్‌కుమార్ ఉన్నత విద్య కోసం అమెరికాకు వెళ్లాడు. ఆదివారం ఈస్టర్ కావడంతో.. స్నేహితులతో కలిసి సమీపంలోని బీచ్‌కు వెళ్లాడు. సరదాగా సముద్రంలోకి వెళ్లి ఈత కొడుతుండగా.. అలలు ఉద్ధృతికి శ్రావణ్‌ సముద్రంలో కొట్టుకుపోయాడు.శ్రావణ్ కొట్టుకుపోవడాన్ని గమనించిన స్నేహితులు.. కాపాడేందుకు ప్రయత్నించినా లాభం లేకుండా పోయింది. అప్పటికే శ్రావణ్ గల్లంతయ్యాడు. వెంటనే అధికారులకు సమాచారం అందివ్వడంతో గాలింపు చర్యలు చేపట్టారు. మంగళవారం బెల్లంపల్లిలో ఉంటున్న శ్రావణ్ సోదరుడికి సమాచారం అందజేశారు. ప్రస్తుతం శ్రావణ్ తల్లిదండ్రులు వరంగల్‌లో మరో కొడుకు వద్ద నివాసముంటున్నారు.