చెన్నైలోనూ ప్రత్యేక హోదా ఉద్యమం

ఏపీకి ప్రత్యేక హోదా కోసం చెన్నైలోనూ పోరు ఉధృతమయ్యింది. తెలుగు సంఘాలతో పాటూ టీడీపీ ఆధ్వర్యంలో నగరంలో భారీ ర్యాలీ నిర్వహించారు. తర్వాత ధర్నా చేపట్టారు. మిగిలిన చోట్లా అక్కడక్కడా ఈ నిరసన కార్యక్రమాలు కొనసాగాయి. ఈ ఆందోళనల్లో ద్రావిడ దేశం అధ్యక్షులు కృష్ణారావుతో పాటూ తెలుగు సంఘాల ప్రతినిధులు పాల్గొన్నారు. ఏపీకి హోదా ప్రకటించాలంటూ ప్లకార్డులు ప్రదర్శించి నినాదాలు చేశారు. ఏపీ విషయంలో కేంద్రం పక్షపాతాన్ని ప్రదర్శిస్తోందని నేతలు మండిపడ్డారు. బడ్జెట్‌లో ఎన్నికలు జరగబోయే రాష్ట్రాలకు నిధుల్ని కేటాయించి... విభజన తర్వాత ఇబ్బందుల్లో ఉన్న ఏపీకి మాత్రం మొండి చేయి చూపించారని విమర్శించారు.

పార్లమెంట్ సాక్షిగా ఇచ్చిన హామీలను ఇచ్చారని... మళ్లీ అక్కడే ఏపీకి అన్యాయం చేస్తున్నారని మండిపడ్డారు నేతలు. ఏపీ ఎంపీలు... మిగిలిన రాష్ట్రాల పార్లమెంట్ సభ్యుల మద్దతుతో కేంద్రంపై ఒత్తిడి తేవాలని సూచించారు. రాబోయే రోజుల్లో ఉద్యమాన్ని మరింత ఉధృతం చేస్తామన్నారు నేతలు. కేంద్రం స్పందించకుంటే జల్లికట్టు తరహాలోనే నిరసనలు చేపడతామన్నారు.