పిడుగుపాటుకు దంపతులు మృతి..!

కడప జిల్లాలో సంభవించిన పిడుగుపాటుకు దంపతులు మృతి చెందారు. మరొకరి పరిస్ధితి విషమంగా ఉంది. వివరాల్లోకి వెళ్తే... మంగళవారం (ఏప్రిల్ 3) సాయంత్రం కడప జిల్లాలో ఉరుములు, మెరుపులతో వర్షం పడింది. చాపాడు మండలంలోని వెదురూరు గ్రామంలో పిడుగు పడి హుస్సేన్‌ పీర్‌, ఖాసీంబీ అనే దంపతులు మృతిచెందారు. మరొక వ్యక్తికి తీవ్ర గాయాలయ్యాయి. గాయపడిన వ్యక్తిని స్థానికులు ఆస్పత్రికి తరలించారు. అతని పరిస్థితీ విషమంగానే ఉంది.

కర్నూలు జిల్లాల్లోనూ దీని ప్రభావం కనిపించింది. చాగలమర్రి మండలం, పెద్దవంగలి గ్రామంలో అకాల వర్షాలకు, భారీ గాలులతో పెద్దపెద్ద చెట్లు నేలకొరిగాయి. చెట్ల కొమ్మలు విరిగిపడటంతో పలు ఇళ్లు ధ్వంసమయ్యాయి.