చంద్రబాబుకు బర్త్ డే విషెస్ తెలిపిన ప్రముఖులు

ఏపీ ముఖ్యమంత్రి చంద్రబాబు బుధవారం 66 ఏళ్లు పూర్తి చేసుకొని 67 వసంతంలోకి ప్రవేశించారు.ఈ సందర్భంగా ఆయన బెజవాడలోని క్యాంపు కార్యాలయంలో ఎలాంటి హంగులు ఆర్భాటాలు లేకుండా తన జన్మదిన వేడుకలు జరుపుకోనున్నారు. సీఎం హోదాలో ఆయన 11వ సారి జన్మదిన వేడుకలు జరుపుకుంటున్నారు. ఉమ్మడి రాష్ట్రంలో సీఎంగా ఉన్నపుడు ఆయన 9 సార్లు బర్త్ డే వేడుకలు జరుపుకోగా.. రాష్ట్ర విభజన తర్వాత సీఎంగా ఉంటూ ఆయన రెండో సారి జన్మదిన వేడుకలు జరుపుకోనున్నారు.

సీఎం చంద్రబాబు 67 వసంతంలోకి అడుగుపెడుతున్న నేపథ్యంలో ప్రధాని మోడీ స్వయంగా చంద్రబాబుకు ఫోన్ చేసి ఆయనకు జన్మదిన శుభాకాంక్షలు తెలిపారు. ఈ సందర్భంగా మోడీ మాట్లాడుతూ ఏపీ అభివృద్ధే లక్ష్యంగా ముందుకు సాగుతున్న చంద్రబాబుకు దీర్ఘాయుషును ప్రసాదించాలని భగవంతుడికి కోరుతున్నట్లు తన సందేశంలో పేర్కొన్నారు . ఇదిలా ఉండగా తమ అధినేత చంద్రబాబుకు రాష్ట్ర మంత్రులు, టీడీపీ నేతలు, కార్యకర్తలు పుట్టిన రోజు శుభాకాంక్షలు తెలిపారు.