యాప్నగరం

Chandrababu Naidu: బాబు కేబినెట్‌లో బెర్తుల కోసం తీవ్రమైన పోటీ!

ఇక ఎస్టీ కోటా బెర్త్ విషయంలో ఫిరాయింపుదారులు పోటీకి వస్తున్నారు. వారిలో కిడారి సర్వేశ్వరరావు, గిడ్డి ఈశ్వరి, వంతల రాజేశ్వరి ఉన్నారు.

Samayam Telugu 6 Sep 2018, 2:50 pm
త్వరలోనే మంత్రివర్గ విస్తరణ అని కొన్ని రోజులుగా ప్రకటిస్తూ వస్తున్నారు ఏపీ సీఎం, టీడీపీ అధినేత చంద్రబాబు నాయుడు. ప్రస్తుత అసెంబ్లీ సమావేశాలు పూర్తి కాగానే.. మంత్రివర్గ విస్తరణ ఉండవచ్చని అంచనా. ఒక ముస్లింకు కేబినెట్‌లో బెర్త్‌ను ఇవ్వనున్నట్టుగా చంద్రబాబు నాయుడు స్పష్టమైన ప్రకటన చేశారు.
Samayam Telugu cb


ఇటీవలే ఏపీ కేబినెట్ నుంచి బీజేపీ వైదొలిగింది. దీంతో రెండు బెర్తులు ఖాళీ అయ్యాయి. ప్రస్తుత విస్తరణ ఆ రెండు బెర్తులకే అని వార్తలు వస్తున్నాయి. అంతకు మించి పునర్వ్యవస్థీకరణ ఉండకపోవచ్చని అంచనా.

అయితే రెండు బెర్తుల విషయంలో గట్టిగానే పోటీ ఉంది. ముస్లింకు దక్కే బెర్త్ విషయంలో ఫిరాయింపు ఎమ్మెల్యేలు అత్తార్ చాంద్ భాషా, జలీల్ ఖాన్ ఆశలు పెట్టుకున్నారు. టీడీపీ నుంచి షరీఫ్ కు అవకాశం దక్కవచ్చనే అంచనాలున్నాయి. అయితే ఎమ్మెల్సీ ఫరూక్ పేరు కూడా ప్రముఖంగా వినిపిస్తూ ఉంది. వీళ్ల నలుగురిలో ఎవరికి అవకాశం దక్కుతుందనేది ప్రస్తుతానికి మిస్టరీనే.

ఇక ఎస్టీ కోటా బెర్త్ విషయంలో ఫిరాయింపుదారులు పోటీకి వస్తున్నారు. వారిలో కిడారి సర్వేశ్వరరావు, గిడ్డి ఈశ్వరి, వంతల రాజేశ్వరి ఉన్నారు. ఈ ముగ్గురు ఎస్టీ ఎమ్మెల్యేలూ వైకాపా తరఫున నెగ్గి తెలుగుదేశం పార్టీలోకి ఫిరాయించిన వారే. వీరితో పాటు తెలుగుదేశం పార్టీ తరఫున నెగ్గిన ఏకైక ఎస్టీ ఎమ్మెల్యే ముడియం శ్రీనివాసరావు కూడా మంత్రి పదవిని ఆశిస్తున్నారు. స్థూలంగా రెండు బెర్తుల విషయంలో ఎనిమిది మంది ఆశావహులు కనిపిస్తున్నారు. వీరిలో ఎవరికి అవకాశం దక్కుతుందో!

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.