ఘనంగా దత్తాత్రేయ కూతురి వివాహం

కేంద్ర మంత్రి, బీజేపీ సీనియర్ నేత బండారు దత్తాత్రేయ కుమార్తె వివాహం హైదరాబాద్‌లో ఘనంగా జరిగింది. గురువారం ఉదయం దత్తాత్రేయ కూతురు విజయలక్ష్మిని జిగ్నేష్‌కి ఇచ్చి వివాహం జరిపించారు. ఈ వేడుకకు గచ్చిబౌలిలోని మినీ స్టేడియం వేదిక అయ్యింది. రాజకీయ, వ్యాపార, సినీ ప్రముఖులు వివాహానికి హాజరై నూతన వధూవరులను ఆశీర్వదించారు. హాజరైన వారిలో గవర్నర్ నరసింహన్, సీఎం కేసీఆర్, మహారాష్ట్ర గవర్నర్ విద్యాసాగర్ రావు, జనసేన అధినేత పవన్ కళ్యాణ్, తెలంగాన మంత్రులు ఇంద్రకరణ్ రెడ్డి, జగదీష్ రెడ్డి, కేటీఆర్, నటుడు చిరంజీవి, రామోజీ రావు తదితరులు హాజరయ్యారు.