వార్ధా ప్రభావం: తిరుమలలో భారీ వర్షం

వార్ధా తుపాన్ ప్రభావంతో సోమవారం మధ్యాహ్నం నుంచి తిరుమలలో భారీ వర్షం కురుస్తోంది. దీంతో శ్రీవారి ఆలయంతో పాటు, తిరుమాడ వీధుల్లో భారీగా వర్షపు నీరు నిలిచిపోయింది. ఈదురు గాలుల కారణంగా తిరుపతి విమానాశ్రయంలో విమాన రాకపోకలకు తీవ్ర అంతరాయం ఏర్పడుతుంది. ఈదురు గాలులకు విమానాశ్రయంలో వీఐపీ లాంజ్ పైకప్పు రేకులు ఎగిరిపోయింది. దీంతో ప్రయాణికులు తీవ్ర ఇబ్బందులు పడుతున్నారు.

మరోవైపు వార్ధా తుపాను ప్రభావం చెన్నైపై అధికంగా ఉంది. తీరం వెంబడి వీస్తున్న పెనుగాలులకు చాలా చోట్ల చెట్లు నేలకొరిగాయి. జనజీవనం, రవాణా వ్యవస్థ స్తంభించిపోయింది. చెన్నై విమానాశ్రయం రన్‌వేను మూసివేసి ఇక్కడకు రావాల్సిన విమానాలను బెంగళూరుకు మళ్లించారు. అలాగే చెన్నై, నెల్లూరు జిల్లా గూడూరు మధ్య రైళ్ల రాకపోకలను కూడా రైల్వే అధికారులు నిలిపివేశారు.

ఆంధ్ర, తమిళనాడులని వణికిస్తోన్న 'వార్ధా'.. వార్త కోసం ఇక్కడ క్లిక్‌చేయండి