హైదరాబాద్‌లో చెడ్డీ గ్యాంగ్ హల్‌చల్!

హైదరాబాద్ నగరవాసులకు హెచ్చరిక. మహారాష్ట్రకు చెందిన చెడ్డీ గ్యాంగ్ ఒకటి నగరంలో సంచరిస్తుంది. ఇటీవల కూకట్‌పల్లి, మియాపూర్‌ ప్రాంతాల్లో చోరీలు పెరగడంతో పోలీసులు ఆయా ప్రాంతాల్లోని సీసీటీవీ ఫూటేజీలను పరిశీలించారు. ఈ సందర్భంగా వెన్నులో వణుకు పుట్టించే దృశ్యాలు బయటపడ్డాయి. నలుగురు వ్యక్తులు కత్తులు పట్టుకుని వీధుల్లో సంచరిస్తున్నారు. చాటుగా మాటు వేస్తూ.. తాళాలు వేసి ఉన్న ఇళ్లలోకి చొరబడుతున్నారు.

పోలీసులు ఈ దృశ్యాలు సేకరించి ప్రజలకు అవగాహన కల్పిస్తున్నారు. రాత్రివేళ్లలో అప్రమత్తంగా ఉండాలని, ఎవరైనా అనుమానస్పదంగా సంచరిస్తు్న్నట్లు తెలిస్తే వెంటనే తమకు సమాచారం ఇవ్వాలని తెలుపుతున్నారు. రాత్రివేళ్లలో అలికిడి ఏర్పడినప్పుడు వెంటనే తలుపులు తెరవద్దని సూచిస్తున్నారు. ఈ దృశ్యాలను చూస్తూంటే వీధుల్లో ఒంటరిగా సంచరించడం కూడా ప్రమాదకరమేని తెలుస్తోంది. వీరి ఆచూకీ తెలిపిన వారికి పోలీసులు రివార్డు కూడా ప్రకటించారు. తస్మత్ జాగ్రత్త! హైదరాబాద్‌లో చెడ్డీ గ్యాంగ్ హల్‌చల్!