యాప్నగరం

తలపాగా చుట్టి.. తూర్పార బట్టి: రైతులతో జగన్

ప్రజాసంకల్పయాత్రలో ప్రజలతో మమేకమవుతున్నారు వైసీపీ అధినేత జగన్. పశ్చిమగోదావరి జిల్లా పాదయాత్రలో ఉన్న ఆయన.. ముదునూరు మీదుగా వెళుతుండగా రోడ్డున పక్కన మహిళలు, రైతుల్ని చూసి ఆగారు.

Samayam Telugu 22 May 2018, 6:33 pm
ప్రజాసంకల్పయాత్రలో ప్రజలతో మమేకమవుతున్నారు వైసీపీ అధినేత జగన్. పశ్చిమగోదావరి జిల్లా పాదయాత్రలో ఉన్న ఆయన.. ముదునూరు మీదుగా వెళుతుండగా రోడ్డున పక్కన మహిళలు, రైతుల్ని చూసి ఆగారు. అందర్ని ఆప్యాయంగా పలకరించి.. వారి సమస్యల్ని అడిగి తెలుసుకున్నారు. రైతులు ధాన్యాన్ని తూర్పార బట్టడాన్ని చూసిన జగన్.. తాను కూడా ఓ చెయ్యి వేశారు. స్థానిక మహిళల సాయంతో తలపాగా చుట్టుకొని.. ధాన్యాన్ని తూర్పార పోశారు. ప్రతిపక్ష నేతను చూసి పార్టీ నేతతో పాటూ అక్కడున్నవారు మురిసిపోయారు.

ఇవాళ తలపాగా చుట్టి రైతైన జగన్.. మొన్న ఆటో డ్రైవర్‌గా మారారు. ఖాకీ చొక్కా వేసుకొని ఆటో నడిపారు. ఇవాళ పశ్చిమగోదావరి జిల్లాలో 168వ రోజు పాదయాత్ర కొనసాగుతోంది. ఉదయం తాడేపల్లిగూడెం మార్కెట్ నుంచి యాత్ర ప్రారంభమై పెంటపాడు, బోడపాడు క్రాస్ మీదుగా... ముదునూరు చేరుకున్నాక రైతులతో జగన్ కాసేపు ముచ్చటించారు. మధ్యాహ్నం అక్కడే భోజనాన్ని ముగించుకొని కాశిపాడు క్రాస్, చిలకంపాడు, వీరేశ్వరం క్రాస్ మీదుగా పిప్పర వరకు కొనసాగింది. రాత్రికి వైసీపీ అధినేత అక్కడే బస చేస్తారు.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.