శ్రీశైలం డ్యామ్‌కు పెరుగుతున్న వరద.. 8 గేట్లు ఎత్తివేత!

ఎగువ ప్రాంతాల నుంచి భారీగా వరద నీరు వస్తుండటంతో శ్రీశైలం జలాశయంలో నీటిమట్టం క్రమంగా పెరుగుతోంది. భారీగా వరద వస్తున్న నేపథ్యంలో గురువారం 8 గేట్లను తెరచి నీటిని దిగువకు విడుదల చేస్తున్నారు. గురువారం ఉదయం 11 గంటల సమయానికి ప్రాజెక్టులో ఇన్ ఫ్లో 3,26,305 లక్షల క్యూసెక్కుల్లుగా ఉంది. అవుట్ ఫ్లో 3,21,249 క్యూసెక్కులు. జలాశయం పూర్తిస్థాయి నీటిమట్టం 885 అడుగులు కాగా.. ప్రస్తుత నీటిమట్టం 883. 4 అడుగులుగా ఉంది.

జలాశయం పూర్తిస్థాయి నీటినిలువ సామర్ధ్యం 215 టీఎంసీలు కాగా.. ప్రస్తుతం 206.536 టీఎంసీల నీరు నిలువ ఉంది. జలవిద్యుత్ కేంద్రాలలో విద్యుత్ ఉత్పత్తి కొనసాగుతోంది.