వచ్చే రెండు రోజుల్లో ఆంధ్ర, తెలంగాణ రాష్ట్రాల్లో కొన్ని చోట్ల వర్షాలు పడే అవకాశం ఉన్నట్టు వాతావరణ శాఖ తెలిపింది. విదర్భ నుంచి తెలంగాణ, రాయలసీమ మీదుగా ఉపరితల ద్రోణి ప్రస్తుతం ఏర్పడి ఉంది. అలాగే సముద్రమట్టానికి 1.5 కిలోమీటర్ల ఎత్తులో ఉపరితల ఆవర్తనం కూడా ఉంది. కనుక కోస్తాంధ్ర, రాయలసీమ, తెలంగాణాలలో ఓ మోస్తరు వర్షాలు పడే అవకాశం ఉంది. తెలంగాణాలో అయితే వడగళ్ల వాన కూడా పడే అవకాశం ఉన్నట్టు తెలుస్తోంది. కాగా ఎండలు ఫిబ్రవరి నుంచే ముదురుతున్నట్టు వాతావరణ శాఖ తెలిపింది. సాధారణం కంటే మూడు నుంచి నాలుగు డిగ్రీలు అధికంగా ఉష్ణోగ్రతలు నమోదవుతున్నాయి. హైదరాబాద్ సోమవారం 39 డిగ్రీల సెల్సియస్ ఉష్ణోగ్రతలు నమోదయ్యాయి. ఆంధ్రప్రాంతంలో అత్యధికంగా అనంతపురంలో 40 డిగ్రీల ఉష్ణోగ్రతలు నమోదవుతున్నట్టు వాతావరణ శాఖ అధికారులు తెలిపారు.
తెలుగు రాష్ట్రాల్లో వర్షాలు పడే అవకాశం
వచ్చే రెండు రోజుల్లో ఆంధ్ర, తెలంగాణ రాష్ట్రాల్లో కొన్ని చోట్ల వర్షాలు పడే అవకాశం ఉన్నట్టు వాతావరణ శాఖ తెలిపింది.
TNN 15 Mar 2016, 9:36 am