ఆర్కే ఎక్కడున్నారో చెప్పండి: హైకోర్టు

ఏవోబీ పరిధిలో అక్టోబర్ 24న జరిగిన భారీ ఎన్‌కౌంటర్ అనంతరం మావోయిస్టు అగ్రనేత ఆర్కే ఆచూకీ తెలియరాలేదు. ఆర్కే భార్య శిరీష అలియాస్ పద్మ తన భర్త పోలీసు కస్టడీలోనే ఉన్నాడంటూ హైకోర్టులో పిటిషన్ దాఖలు చేసింది. దానిపై సోమవారం మధ్యాహ్నం కోర్టులో విచారణ జరిగింది. ఈ సందర్భంగా కోర్టు ఆర్కే ఎక్కడున్నాడో వెంటనే తెలియజేయాలంటూ ఏపీ ప్రభుత్వాన్ని ఆదేశించింది. ఆర్కే చనిపోయాడా లేదా పోలీసుల కస్టడీలో ఉన్నాడా తెలపాలని ఆదేశించింది. ఒకవేళ పోలీసుల అదుపులోనే ఉంటే ఎలాంటి ప్రాణహాని తలపెట్టవద్దని ఆదేవించింది. మావోయిస్టైనా, సామాన్య మనిషైనా... ప్రాణాలు విలువైనవని తెలిపింది. ఆర్కే ఎక్కడున్నాడన్న విషయమై సమగ్ర సమాచారంతో కౌంటర్ దాఖలు చేయాలని ఆదేశించింది. తదుపరి విచారణను గురువారానికి వాయిదా వేసింది.

కోర్టు ముందు ఆర్కే భార్య శిరీష మాట్లాడుతూ తన భర్త పోలీసుల అదుపులోనే ఉన్నాడని, అతడిని వెంటనే కోర్టులో హాజరుపరచాలని డిమాండ్ చేశారు. ఆర్కేకు ప్రాణహాని ఉందని తెలిపారు.