ఎవరు ఎవరికి ఫోన్ చేశారు?

రాజకీయాలంటేనే అయోమయం, గందరగోళం కింద తయారైంది. ఒకప్పుడు జాతీయ రాజకీయాల్లోకి వెళ్లనే వెళ్లనన్న కేసీఆర్ హఠాత్తుగా రూటు మార్చటం అందరినీ అయోమయానికి గురి చేసింది.

‘‘ పరిస్థితులు వచ్చినప్పుడు నాయకుడు పుడతాడు. మార్పు విషయంలో నాయకత్వం వహించాల్సి వస్తే ఖచ్చితంగా వహిస్తా. దేశ రాజకీయాల్లో ప్రబలమైన మార్పు కోసం ప్రయత్నిస్తా’’ అనే కేసీఆర్ మాటల వెనుక అంతరార్థాల కోసం వెతకటం మొదలెట్టారు. కొందరు ఇదంతా కేటీఆర్ ను సీఎం చేసేందుకే అనగా మరికొందరు తెలంగాణ తెచ్చి అందరికీ తన సత్తా చూపినట్లే కేసీఆర్ ప్రధాని అయి తెలంగాణ సత్తా చాటుతారన్నారు.
హైలైట్ ఏమిటంటే ఇదిగో పులి అంటే అదిగో తోక అన్నట్లు అప్పుడే థర్గ్ ఫ్రంట్ గురించి మమతా బెనర్జీ కేసీఆర్ తో ఫోన్ లో మాట్లాడిందని ప్రసార మాథ్యమాల్లో వార్తలు రావటం. తెలుగు మీడియా దీన్ని హైలైట్ చేయటం. మరో వైపు కోల్కతా నుంచి వెలువడే టెలిగ్రాఫ్ మాత్రం కేసీఆర్ స్వయంగా మమతా బెనర్జీకి ఫోన్ చేసి మాట్లాడారని వెల్లడించింది.
ఔరా రాజకీయం...ఇంతకా ఎవరు ఎవరితో మాట్లాడినట్లో...